యుగాడ్య/జుగాడ్యా/జోగాడ్యా(భూతధాత్రి) శక్తి పీఠం

శ్రీ యుగాడ్య/జుగాడ్యా/జోగాడ్యా(భూతధాత్రి) శక్తి పీఠం ఇండియాలో వెస్ట్ బెంగాల్ రాష్ట్రం,బర్ధమాన్(వర్ధమాన్) జిల్లాలో మంగళ్ కోట్ పరిధిలో, నిగమ్ రైల్వేస్టేషన్ కు 4 K.m దూరంలో వున్న క్షీర్ గ్రామం(Kshirgram) లో వుంది.

దీనిలోని దేవిని “జోగాడ్యా ఉమ” గా కూడా భక్తులు పిలుస్తారు. ఈ దేవినే రామాయణ కాలంలో, రావణుని చిన్న సోదరుడు “అహిరావణుడు” పూజించినట్లు ఇక్కడ స్థల పురాణాల బట్టి తెలుస్తోంది.

ఇఏ ప్రదేశంలో సతీ దేవి కుడికాలి బొటనవేలు పడిందని చెపుతారు.

పురాణ కధ ప్రకారం రామ - రావణ యుద్ధం సమయంలో రామ, లక్ష్మణులను ఈ అహిరావణుడు తన పాతాళ రాజ్యానికి ఎత్తుకు పోతాడు. దీనిని గ్రహించిన హనుమంతుడు పాతాళం లోని ఈ అహిరావణుని రాజ్యానికి వెళ్లి, అతనిని వధించి రామ లక్ష్మణులను రక్షించి క్షేమంగా తీసుకుని వస్తూ, అహిరావణునిచే పూజలందు కొంటున్న “జోగాడ్యా ఉమ” దేవిని తనతోపాటు తీసుకువస్తాడు. అలా హనుమ వెంట వచ్చిన ఆ దేవి ఈ క్షీర్ గ్రామం(Kshirgram) లో స్థిరపడుతుంది.

ఈ శక్తి పీఠం విశేషం ఏమిటంటే ఈ దేవి లోతైన క్షీర్ (Kshir) అనే పెద్ద తటాక(చెరువు)జలాలలో నివాసాన్ని కోరుకోరుకొని దానిలోనే నివస్తిస్తూ వుంటుంది. ఆ దేవి అభీష్టం మేరకు,ఆమె విగ్రహాన్ని,అదే ప్రదేశంలో సగం నీట మునిగిన ఆలయంలోనే ఉంచబడింది.

ఇటీవలే ఆ ఆలయాన్ని కొత్త హంగులతో పునరుద్ధరించారు. నీట మునిగిన ఆ దేవి విగ్రహాన్ని సంవత్సరంలో ఆరు రోజులు మాత్రమే బయటకు తీసి,పూజాది కార్యక్రమాలు నిర్వహించి, కేవలం రెండు రోజులు మాత్రమే (31stBaishakh, బెంగాలీ పంచాంగము మొదటి నెల,2వ బెంగాళీ మాసం జ్యేష్టం 4th న ) భక్తుల దర్శనార్ధం ప్రదర్శించ బడుతుంది. ఆ సందర్భంగా ఒక పెద్ద మేలా (జాతర) జరుగుతుంది.

కేవలం రెండు రోజులు మాత్రమే దర్శనమిచ్చే ఈ జోగాడ్యా దేవిని మీరూ పరోక్షంగా దర్శించుకొని ..తరించండి..!!శుభం భూయాత్.