సీతాకుండ/(దేవి భవాని) శక్తి పీఠం ( Bangladesh )

సీతాకుండ/(దేవి భవాని) శక్తి పీఠం బంగ్లాదేశ్ లోని చిట్టగాంగ్ జిల్లాలో(వాయువ్య చిట్టగాంగ్) కు 40 కిలోమీటర్ల దూరంలో ఢాకా-చిట్టగాంగ్ హైవే [పాత పరిపూర్ణ-షా గ్రాండ్ రోడ్డు], సీతాకుండ/సీతకుండు రైల్వే స్టేషన్ సమీపంలో, చంద్రనాధ్ (చంద్ర-నాథ్ కొండలపై) కొండశిఖరం పైన కొలువు దీరివుంది. దీనికి దిగువున శంభూనాధ్ దేవాలయం కూడా వున్నది.

పురాణ గాధ ప్రకారం భార్గవ ముని, రామచంద్రని అరణ్యవాస సమయంలో ఈ ప్రాంతం సందర్శించినప్పుడు సీతా దేవికి స్నానం కోసం ఒక చెరువు (కుండ్) సృష్టించినట్లు తెలియవస్తోంది. అందుచేత ఈ ప్రాంతం సీతాకుండగా పిలవబడుతోంది.

పురాణాల ప్రకారం ఈ ప్రదేశంలో సతిదేవి కుడి చేయి పడినదని నమ్ముతారు. ఈ శక్తి పీఠాన్ని”భవన్” అని కూడా అంటారు.

ఈ భవాని శక్తి పీఠం సీతాకుండ్ చంద్ర-నాథ్ గా కూడా ప్రసిద్ధిచెందినది. ఇక్కడ, సతి దేవి “దేవి భవానీ” రూపంలో మరియు శివుడు చంద్రనాథ్ గా (భైరవ్ Vairabh) గా పూజించబడుతున్నారు. ప్రస్తుతం ఈ ప్రదేశంలో కొన్ని వేడి నీటి బుగ్గలు మాత్రం సీతకుండలో కనపడుతాయి.

ఆధునిక చరిత్ర లో “రాజమాల” గ్రంధం ప్రకారం సుమారు 800 సంవత్సరాల క్రితం రాజా బిస్వంబర సుర్ ( ప్రసిద్ధ Adisur యొక్క వంశస్థుడు, సముద్ర మార్గం ద్వారా చంద్రనాధ్ పర్వత శ్రేణులను చేరుకోవడానికి ప్రయత్నించారు అని పేర్కొంది. నిగమ్ కల్పతరు గ్రంధం ప్రకారం ఈ చంద్రనాధ్ లోనే జయదేవ కవి కూడా నివసించినట్లు సూచిస్తోంది.

త్రిపుర పాలకుడు ధన్య మాణిక్య ప్రభువు సమయంలోనే ఈ చంద్రనాధ్ ఆలయం అనేక మాన్యాలు పొందింది. ధన్య మాణిక్య ప్రభువు చంద్రనాధ్ ఆలయం నుండి శివుని విగ్రహం తొలగించి తన రాజ్యంలో ప్రతిష్టించటానికి ప్రయత్నించి విఫలమైనట్లు చరిత్రలో పేర్కొనబడింది.

చంద్రనాధ్ ఆలయ సమీపంలో వున్న ఈ ప్రసిద్ధ శక్తి పీఠం బంగ్లాదేశ్ లోని హిందూ మత యాత్రికులకు ఒక పవిత్ర ప్రదేశం.

సీతకుండ్(భవాని) శక్తి పీఠం దర్శించి ఆ దేవి కృపకు పాత్రులు కండి..!!!! శుభం భూయాత్