హర సిద్ధి శక్తిపీఠం

“హర సిద్ధి శక్తిపీఠం” మధ్యప్రదేశ్ లోని పురాతన ఉజ్జయినీ నగరంలో, శ్రీ “మహాకాళేశ్వర జ్యోతిర్లింగ” పవిత్ర క్షేత్రం సమీపంలో వుంది.. ఈ శక్తిపీఠం “Kapilambara” శక్తిపీఠంగా కూడా పిలవబడుతోంది. ఈ హరసిద్ధి దేవి, మహాలక్ష్మి, మహాసరస్వతి విగ్రహాలు మధ్య అన్నపూర్ణ దేవిగా భక్తులచే కొలవబడుతోంది.

స్ధల పురాణం ప్రకారం ఒకసారి చండ-ప్రచండ అనే ఇద్దరు రాక్షసులు దేవతల నందరిని జయించి చివరకు కైలాసం మీదకు కూడా దండెత్తుతారు. ఆ సమయంలో శివుడు పార్వతిదేవితో చదరంగం ఆడుతుంటాడు. ఆ రాక్షసులు అక్కడే వున్ననందిని జయించి కైలాసాన్ని అంతటిని నాశనం చెయ్యబోగా,శివుడు అది పరాశక్తిని ధ్యానం చేస్తాడు. ఆమె “హర సిద్ధి”రూపంలో ప్రత్యక్షమై ఆ రాక్షసులను మట్టుపెట్టినదని కధనం. ఈ హర సిద్ధియే “Tripurantaka” శక్తిపీఠంగా కూడా వర్ణించబడింది. ఆమె శివునికి త్రిపురాసులరలను చంపడానికి ధైర్యం ఇచ్చిన “మంగళ చండి” గా పిలవబడుతూ, పూజించబడుతోంది

శివ పురాణం ప్రకారం, సతీదేవి “మోచేయి” ఈ ప్రదేశంలో పడిందని అంటారు. తాంత్రిక సంప్రదాయంలో ఇది ఒక ‘సిద్ధ పీఠం’గా పేర్కొనబడింది. ఈ హరసిద్ధి దేవినే శ్రీ విక్రమాదిత్యుడు పూజించేవాడని చరిత్ర చెపుతోంది. ఈ ఆలయంలోనే శ్రీ యంత్రం కూడా ప్రతిష్టించారు. గర్భగుడిలో ముందు హాల్ పైభాగంలో 50 శక్తిపీఠ చిత్రాలతో అందంగా చిత్రీకరించారు.

ఈ ఆలయం మరాఠా(మరాట్వాడ)రాజుల కాలంలో పునర్నిర్మిచబడింది. ఈ దేవాలయం ముంది భాగాన “తైల దీపాలను” వెలిగించటానికి, రెండు పొడవైన “దీపస్థంభాలు” కూడా ఏర్పాటుచేశారు.ఈ స్థంభాలు మరాఠాదేశ కళా వైభవానికి తార్కాణాలు. వీటిని నవరాత్రి పర్వదినాలలో వెలిగించుతారు.
“Harsiddhi/chandi,Ujjain shakti petham Live Darshan “http://117.240.185.20/index.html”

మీరూ ఉజ్జయినిలోని ఈ శక్తిపీటాన్నిదర్శించి,.జన్మ ధన్యం చేసుకోండి.!! శుభం భూయాత్.