త్రిపురసుందరి శక్తిపీఠం

“త్రిపురసుందరి శక్తిపీఠం” త్రిపుర రాష్ట్రంలో, ఉదయపూర్ – అగర్తల (55 కి.మీ) మార్గంలో,అగర్తలా పట్టణం నుండి దక్షిణ దిశగా 3 కి.మీ.దూరంలో ఒక చిన్న గుట్టపై, వంగదేశ గోపుర నిర్మాణ శైలిలో (శంఖమును పోలి చతురశ్రాకార గర్భ గుడిలో) ఉంటుంది.

దీనిని క్రీ.శ. 1501 లో మహారాజా ధన్య మాణిక్య దేవ్ నిర్మించాడు. క్రీ.శ. 1681 లో మెరుపుల (lightning) వల్ల దెబ్బతిన్న ఈ ఆలయాన్ని మహారాజా రామ మాణిక్య, అటు తరువాత ఈ శతాబ్ద ప్రారంభ కాలంలో మహారాజా రాధ కిషోర్ మాణిక్యలు మరమ్మతులు చేయించారు.

ఈ త్రిపుర సుందరి దేవినే “Matabari” (మా కాళి/ Soroshi) అని కూడా ఇక్కడి ప్రజలు పిలుస్తారు. ఈ ఆలయం లోపల రెండు దేవీ విగ్రహాలు ఉన్నాయి. ఒకటి శ్రీ “త్రిపుర సుందరి” విగ్రహం 5 అడుగుల ఎత్తు ఉంటుంది. మరొకటి “ఛోటీ మా” (Chhotima) విగ్రహం 2 అడుగుల ఎత్తులో ఉండి ఒక విధమైన ఎరుపు-నలుపురంగు‘kasti’రాయితో తయారుచేయ బడి వుంటుంది. మహారాజు ఈ ఛోటీ మా విగ్రహాన్ని యుద్ధ సమయాల్లో తన వెంట తీసుకు వెళ్ళేవాడని చెబుతారు.

ఇక్కడ విశేషమేమంటే, ఈ ఆలయ ప్రాంగణం “కూర్మ”( తాబేలు) రూపం పోలి వుంటుంది. కనుక ఈ ఆలయాన్ని“కూర్మ పీఠం” అని కూడా పిలుస్తారు. ఈ ప్రదేశంలో సతీ దేవి “కుడి పాదం” పడినదని పురాణ కధనం.

ఇతిహాసం ప్రకారం 15 వ శతాబ్దం చివరి సంవత్సరాలలో త్రిపురను పాలించిన Dhanya manikya రాజు, ఉదయపూర్ పట్టణం సమీపంలోని కొండ మీద వున్నఆలయంలో త్రిపురసుందరి దేవత ను ప్రతిష్టించమని అతనికి ఒక రోజు మహారాజుకు వచ్చిన కలలో దైవాజ్న(దైవవాణి) అవుతుంది. కాని ఆ ఆలయమలో అప్పటికే విష్ణుమూర్తిని ప్రతిష్టించి నందున, ఆయన సరసన శివుని భార్య విగ్రహాన్ని ఎలా ప్రతిష్టించాలో నిర్ణయం చేయలేక అయోమయానికి గురిఅవుతాడు. అయితే మరునాడు కూడా కలలో దైవాజ్న అవగా మహారాజు ఆ ఆదేశాన్ని శిరసావహించి దేవి విగ్రహాన్ని అందులోనే ప్రతిష్టింప చేసాడు. ఈ పురాణ కధనం వైష్ణవ, శైవ భక్తుల మధ్య సయోధ్యను గుర్తుకుతెస్తూ ఉదాహరణగా చరిత్రలో శాశ్వతంగా నిలిచింది.

ఈ ఆలయ ప్రాగణంలో తూర్పు వైపు ప్రసిద్ధ కళ్యాణ్ సాగర్ అనే పెద్ద కోనేరు ఉంది ఉంది .దీనిలో వున్న చేపలు,భారీ తాబేలులకు భక్తులు బియ్యం (మురి)అటుకులు,బిస్కెట్లు వాటికి ఆహారంగా వేస్తారు. ఈ సరస్సులో చేపలు పట్టడం నిషేదించబడింది.

దీపావళి ఇక్కడ ముఖ్యమైన పండుగ. ప్రతి సంవత్సరము దీపావళి రోజున “మేళా” జరుగుతుంది. ఈ మేళాను రెండు లక్షల కంటే ఎక్కువ దేవి భక్తులు సందర్శిస్తారు ఇది ఆలయ సమీపంలో జరుగుతుంది.

శ్రీ త్రిపురసుందరి దేవికి మరొక ఆలయం ,చెన్నై సమీపంలో Tambaram- selaiyur camp రోడ్డులో (చెన్నై విమానాశ్రయం నుండి సుమారు 15 కిమీ) “Madambakkam” వద్ద ఉంది

శ్రీ త్రిపురసుందరి దేవి రూపం, దేవాలయ సుందర చిత్రాలను చూసి తరించండి...!! శుభం భూయాత్.